Поранешниот фудбалер на Македонија ЃП и Работнички, Леон Најдовски својата кариера ја продолжува во австрискиот третолигаш Мауерверк каде менаџер е прославениот поранешен македонски репрезентативец Илчо Наумоски.
28-годишниот Најдовски, кој игра на централната дефанзивна позиција, се приклучува на тимот на Мауерверк секако на желба на Наумоски кој и по преземањето на клубот истакна дека во иднина посакува да им овозможи на македонски фудбалери можност за интернационална кариера. Член на Маурверк е и поранешниот вардаров голман Петар Јаневски.
Најдовски досега во својата кариера, покрај за Македонија ЃП и Работнички, има настапи и за Тетекс и прилепска Победа. А последен негов клуб е второлигашот Локомотива Скопје каде настапуваше минатава сезона пред сегашната преселба во Австрија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
