Спортскиот директор на Пари Сен Жермен, Леонардо призна дека статусот на Нејмар се уште не е решен, но изрази надеж дека сите приказни околу заминувањето на Бразилецот ќе завршат до следниот преоден рок. Тој смета дека од целиот случај не треба да се прави „мексиканска сапуница“.
„Вистина е дека денеска не можеме да кажеме каква е неговата позиција во клубот. Но, не треба да правиме „мексиканска сапуница“ од сето тоа. Треба да се фокусираме на теренот. Тој е тука, дел е од тимот и тоа е тоа“, изјави Леонардо.
ПСЖ во среда го дочекува Реал Мадрид во првиот меч во групната фаза од Лигата на шампионите, а Нејмар ќе мора да го пропушти поради суспензијата која ја заработи минатата година на мечот против Манчестер Јунајтед.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
