Македонскиот фудбалски прволигаш АП Брера Струмица продолжува со составување на тимот пресрет на пролетниот дел од сезоната во Првата фудбалска лига.
Струмичкиот прволигаш официјално го објави ангажманот на 22-годишниот офанзивен фудбалер Леонардо Петровиќ, кој пристигнува како слободен агент. Петровиќ е десно крило, но може да игра и на левата страна.
Тој е поранешен младински репрезентативец на Хрватска до 17 години и во текот на кариерата има искуство од неколку клубови во регионот.
Во есенскиот дел од сезоната 2025/26, Петровиќ настапуваше за хрватскиот второлигаш Змијавци. Претходно беше дел од Радник Бијељина (Босна и Херцеговина), а најзначаен период во кариерата го имаше во Посушје, каде две сезони играше во Премиерлигата на Босна и Херцеговина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
