Кошаркарите на Денвер Нагетс на свој паркет ги победија Голден Стејт Вориорс со резултат 119:115 во натпреварот од НБА лигата и НБА Купот. Српскиот кошаркар Никола Јокиќ повторно беше клучна фигура, и го заврши натпреварот со дабл-дабл учинок. Нагетс ги победија Вориорс деветти пат по ред.
Овојпат „воините“ беа на дофат на победа во „Бал арената“, но скапо ги чинеше лоша завршница во која немаа идеја како да најдат пат до кошот и покрај цврстата одбрана на Нагетс.
Во средината на последната четвртина, кога на семафорот стоеше 92:89 за Денвер, Вориорс тргнаа во серија од 15:2 и дојдоа до двоцифрена предност (104:94), но во преостанатите седум и пол минути постигна само 11 поени и им дозволи на Нагетс во финишот да направат пресврт.
Српскиот кошаркар за 40 минути на терен, уфрли 38 поени. Во последната четвртина кога беше најпотребно ја презеде одговорноста и одигра беспрекорно на двата краја на паркетот.
Поразот не ги чинеше Вориорс пласман во четвртфиналето на НБА купот каде ќе играат против Хјустон. Останатите двојки се Оклахома – Далас, Њујорк – Атланта и Милвоки – Орландо.
НБА, РЕЗУЛТАТИ
Шарлот – Филаделфија 104:110
Кливленд – Вашингтон 118:87
Детроит – Милвоки 107:128
Њујорк – Орландо 121:106
Торонто – Индијана 122:111
Оклахома – Јута 133:106
Далас – Мемфис 121:116
Феникс – Сан Антонио 104:93
Денвер – Голден Стејт 119:115
Сакраменто – Хјустон 120:111
ЛА Клиперс – Портланд 127:105
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
