Еден од симболите на Тотенхем во последните две децении, Даниел Леви, го напушти клубот. Тимот од Лондон објави дека Леви поднел оставка од функцијата извршен претседател, позиција на која беше од 2001 година.
За време на неговиот речиси две и пол децении мандат на чело на клубот, Леви беше сведок на освојувањето на само два трофеи – Лига купот во сезоната 2006/2007 и Лигата на Европа од претходната сезона.
„Неверојатно сум горд што соработував со луѓето од менаџментот на клубот и со целиот персонал. Го изградивме овој клуб во глобална тешка категорија која се натпреварува на највисоко ниво. Повеќе од тоа, изградивме заедница. Имав среќа да соработувам со некои од најголемите луѓе во спортот, од тимот на Лиливајт Хаус и Хотспур Веј до сите играчи и менаџери низ годините. Сакам да им се заблагодарам на сите навивачи кои ме поддржуваа низ годините. Не беше секогаш лесно патување, но е постигнат значителен напредок. Ќе продолжам страсно да го поддржувам овој клуб“, рече Леви во својата порака за збогум.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
