Македонскиот репрезентативец Бојан Миовски и неговиот Глазгов Ренџерс доживеаја дебакл на гостувањето против норвешки Бран во 3. коло од Лигата на Европа.
Ренџерс загубија со убедливи 3-0 во натпревар во кој Миовски ги одигра последните 30 минути на средбата. Македонскиот напаѓач во игра влезе во 64. минута од средбата при водство од веќе 2-0 за домашните кои до крајот постигнаа уште еден погодок за триумф со три гола разлика.
Португалска Брага, пак, со 2-0 славеше против белградска Црвена Звезда, а во дербито на ова коло Фенербахче славеше со 1-0 против Штутгарт.
Победничкиот гол за турскиот тим го постигна Актуркоглу од пенал во 34. минута.
ЛИГА ЕВРОПА – 3. КОЛО
Брага – Црвена Звезда 2-0
Бран – Глазгов Ренџерс 3-0
ФЦСБ – Болоња 1-2
Фенербахче – Штутгарт 1-0
Г.А. Иглс – Астон Вила 2-1
Генк – Бетис 0-0
Лион – Базел 2-0
Салцбург – Ференцварош 2-3
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
