Домаќините имаа максимален ефект во првите четвртфинални натпревари од Лигата на Европа. Најубедлив беше Арсенал, кој на „Емирати“ ја совлада ЦСКА Москва со 4-1. По два гола постигнаа Арон Рамзи и Александре Лаказет, а Головин од слободен удар стрелаше за „армејците“ на овој меч.
Спортинг Лисабон загуби со 2-0 на „Ванда Метрополитано“ од Атлетико Мадрид, а македонскиот репрезентативец Стефан Ристовски остана на клупата за резервни фудбалери. Коке го отвори резултатот во корист на шпанскиот претставник по само дваесетина секунди од мечот, а Антоан Гризман во 40.минута зголеми на 2-0.
Лацио го совлада Салзбург со 4-2 на „Олимпико“ во Рим. Лулиќ беше стрелец на првиот гол за „лацијалите“, но Бериша од пенал обезбеди Салсбург да не замине со негатива на полувремето. Сепак, Пароло, Фелипе Андерсон и Имобиле во вториот дел ја тресеа мрежата на гостите, а погоди и Минамино на спротивната страна, за конечни 4-2.
Лајцпиг го совлада Олимпик Марсеј пред своите гледачи со 1-0, а стрелец на единствениот гол беше Тимо Вернер во 45.минута од натпреварот. Реваншите се играат по седум дена.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
