Лидерот на Портланд, Демијан Лилард со 51 поени го предводеше тимот до триумф над Јута од 124-107 и влезе во историјата како првиот играч во НБА лигата која на шест натпревари имал просек од 45 поени и 10 асистенции. За него ова беше четврта последовна средба со 50 или повеќе поени. Портланд е во серија од четири победи по ред, има вкупен биланс од 23/27, но и натаму е надвор од зоната за плеј-оф, на деветтото место на Запад, Јута 32/17 е четвртопласирана во конференцијата.
Лос Анџелес Лејкерс им се вратија на победите. Славеа убедливо над Сакраменто со 113-129. Во дуелот Леброн Џејмс забележа трипл-дабл учинок од 15 поени, 10 скока и 11 асистенции, Ентони Дејвис беше прв стрелец со 21 поен. „Лејкерс“ имаат вкупен скор од 37-11 на лидерската позиција на Запад. И без Дончиќ и без Порзингис, Далас беше убедлив против Атланта, славеше со 123-100, Џејлен Бронсон беше прв стрелец со 27 поени.
Во дербито на Исток, Бостон со 116-96 ја победи Филаделфија. Џејлен Браун со 32 поени беше лидер во триумфот. Џејсон Тејтум постигна 25. Кај Филаделфија, Бен Симонс заврши со 23 поени. Бостон е на третото место во Конференцијата со биланс 33-15, а Филаделфија е шестопласирана со ефект 31-19.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
