Победа на стартот од ВТА турнирот во Букурешт за најдобрата македонска тенисерка Лина Ѓорческа. Во исцрпувачки меч што траеше 170 минути Ѓорческа ја совлада домашната тенисерка Георгиа Крачун со 2-1 во сетови (6-4, 4-6, 7-5). Турнирот се игра за награден фонд од 60.000 долари.
Македонската тенисерка поведе во мечот откако го доби првиот сет со 6-4 во сетови, откако постојано водеше. Во вториот сет Крачун имаше предност во сетот што го доби со идентични 6-4. Во решавачкиот сет македонската тенисерка поведе со 3-0 во гемови, а ривалката изедначи на 3-3. Ѓорческа имаше ново водство од 5-3, но Крачун пак изедначи на 5-5, за следните два гема да ги освои македонската тенисерка што значеше и победа и пласман во следната рунда.
Во второто коло Лина утре ќе игра со победничката од мечот на квалификантките, Италијанката Ноеми Бастилети, која со 2-1 ја победи сонародничката Лаура Маир.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
