Лионел Меси во Катар го игра своето последно светско првенство, а по враќањето во Европа сосема веројатно ќе ја игра и својата последна сезона во Лигата на шампионите.
Угледниот „Тајмс“ тврди дека капитенот на Аргентина веќе го договори својот нов клуб и тоа за време на Мундијалот. „Тајмс“ ги носи и деталите од договорот кој Аргентинецот треба да го потпише со клубот во сопственот на Дејвид Бекам, членот на американската МЛС-лига, Интер Мајами каде би се преселил следната година.
Меси претходно навести можност за преселба во Интер Мајами не криејќи дека сака да живее во САД, и да го почувствува фудбалот во таа држава. „Тајмс“ наведува дека влијанието на Бекам било клучно за да ја прифати понудата за ангажман во овој клуб.
🔺EXCLUSIVE: Inter Miami are close to signing Lionel Messi. The deal will make the 35-year-old the highest paid player in the history of the MLShttps://t.co/g2vmg4xzSV
— Times Sport (@TimesSport) November 27, 2022
Наводно во Интер Мајами, освен Меси, би требало да дојдат и неговите двајца најголеми пријатели, Луис Суарез кој е слободен играч и Сеск Фабрегас кој игра за Комо во Серија Б. На листата на посакувани фудбалери на Дејвид Бекам за неговиот клуб се и Жорди Алба и Серхио Бускетс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
