Лионел Меси ја предводи листата најплатени фудбалери што денеска ја објави реномираниот финасиски магазин Форбс. Тој во последнава година заработил 126 милиони евра од кои 92 милиони од плата, а 32 милиони од други приходи. Веднаш зад него е Кристијано Роналдо кој во последниве 12 месеци има заработка од 117 милиои со тоа што од маркетинг и други приходи тој има повеќе од Меси, 70 милиони, остатокот е платата од Јувентус.
Водечкиот двоец го следат двајца фудбалери на Пари Сен Жермен. Нејмар со заработка од 78 милиони и Килијан Мбапе со 42 милиони евра. Најдобрата петорка ја заокружува ѕвездата на премиерлигашкиот првак, Ливерпул, Мохамед Салах, кој заработил 24 милиони од плата и плус дополнителни 13 милиони или вкупно 37 милиони евра.
Втората половина ја предводи Пол Погба кој има цифра од 34 милиони, потоа е Антон Гризман со 33 милиони, па Герет Бејл кој и покрај лошата позиција во Реал Мадрид си заработува одлично па оваа година има 29 милиони евра. На деветтата позиција е Роберт Левандовски со 28, а на десеттата Дави Де Хеа со 27 милиони евра и со тоа е најдоброплатениот голман во светот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
