Фудбалерите на Ливерпул се во центарот на вниманието од почетокот на сезоната. Откако ги презеде Арне Слот, екипата „гази“ се пред себе. По триумфот над Саутемптон на госи, имаат осум бодови повеќе од актуелниот првак Манчестер Сити.
Новиот менаџер на Ливерпул, Арне Слот доживеа само еден пораз на клупата на „Енфилд“, откако беше поразен од Нотингем Форест. Холанѓанецот е свесен дека не треба да има еуфорија, особено не сега пред мечот на сезоната против Манчестер Сити.
„Овие играчи се во Премиерлигата подолго од мене, но мислам дека минатата сезона дури и подоцна Арсенал имаше предност од осум бодови пред Манчестер Сити, и потоа Сити стана шампион. Кога ќе се соочите со Арсенал, Сити, Челси… сите тие се способни во секој момент да победат секого. Така што убаво е што сме на оваа позиција, но нема да се занесуваме“, рече Слот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
