Според информациите од европските медиуми, Ливерпул планира голем удар во преодниот рок насочувајќи се кон една од ѕвездите на Реал Мадрид.
Клубот од Енфилд, наводно, е „подготвен да потроши значителни средства“ за да го засили својот состав пред новата сезона. Тоа ќе биде продолжение на формирањето на „фудбалска сила“, по доведувањето на Керкез, Вирц, Екитике, Исак…
Иако идентитетот на целниот играч сè уште не е официјално потврден, шпански извори сугерираат дека Ливерпул ќе се обиде да го добие играчот од средниот ред на Реал, Едуар Камавинга.
Ливерпул, да потсетиме, долго време бараше постабилен и покреативен среден ред, особено откако тимот се соочи со повремена нестабилност во тековната сезона. Понудата од 100 милиони евра јасно покажува колку амбиција имаат „црвените“ да се вратат на самиот врв на европскиот фудбал.
Станува збор за играч кој долго време е на радарот на англискиот клуб, но досега трансферот никогаш не е реализиран поради високата пазарна вредност и недостатокот на интерес на клубот да го ослободи.
Од друга страна, во Мадрид се шпекулира дека таков трансфер би можел да започне „верижна реакција“ на пазарот – продажбата на голема ѕвезда би му овозможила на Реал да донесе нови засилувања кои се повеќе во согласност со стратегијата на клубот за следната сезона.
Французинот е играч на Реал Мадрид од јуни 2021 година, кога дојде од Рен за 31 милиони евра, каде што се сметаше за еден од најголемите таленти во историјата на клубот. Интересно е што и тогаш најпрво беше поврзуван со Ливерпул, но играчот на крајот се одлучи за преселба во Мадрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
