Францускиот дефанзивец Жереми Жаке е првото засилување на Ливерпул за идната сезона, пристигнувајќи на „Енфилд“ од Рен. Трансферот е вреден околу 60 милиони евра, плус речиси 10 милиони евра во бонуси. И покрај тоа што потрошија многу пари за засилувања на почетокот на оваа сезона, сепак, челниците на „црвените“ ќе трошат и престојното лето, со цел тимот да се врати во битката за трофејот во Премиерлигата.
Се бара нов крилен напаѓач, а поради постојаните шпекулации за заминувањето на Кертис Џонс, Ливерпул сака и нов играч од средниот ред. Доколку Енди Робертсон или Ибрахима Конате не потпишат нови договори, ќе бидат потребни и за нив директни замени.
Според последните извештаи од Бразил, Ливерпул го финализира потпишувањето на договорот со играчот на Палмеирас, Алан Елиас. Трансферот наводно ќе биде вреден 34 милиони евра, а таа бројка треба да ги вклучува сите бонуси и додатоци.
Алан, кој има 21 година, наводно би пристигнал на „Енфилд“ како крилен напаѓач, иако може да игра многу добро и на средниот ред. Во секој случај, наводно сè е договорено и Алан треба да биде претставен како нов играч на Ливерпул по Светското првенство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
