Менаџерот на Вулверхемптон Јулен Лопетеги изјави дека спасувањето на тимот од Премиерлигата му било најтешкиот предизвик во кариерата. Лопетеги го презеде тимот кога тимот беше последен, а сега го зазеде 13. место со 40 бодови и со 10 бодови од опасната зона.
Лопетеги кажа дека англискиот фудбал има многу поразличен ритам од шпанскиот, и дека е среќен поради тоа што успеал во својата цел.
„Адаптацијата кон англискиот фудбал бара време, дури и ако тимот е од висока класа. Ритамот е сосема различен. Нашиот клуб има интересна структура. Добри сме во секој поглед, искуството е фантастично. Нашата цел беше да останеме во Премиерлигата. Ситуацијата беше комплицирана. Дојдов кога бевме последни и по 16 одиграни натпревари ја остваривме целта на три меча до крајот на сезоната. Среќен сум, затоа што тоа не беше лесен предизвик“, рече Лопетеги.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
