Меѓународниот олимписки комитет (ИОК) потврди дека трансородовата спортистка Лорел Хабард ќе биде дел од Летните олимписки игри во Токио и ќе го претставува Нов Зеланд во кревање тегови.
Новозеланѓанката е родена под името Гевин, а промена на полот имала пред девет години. Таа ќе биде првата трансродна спортистка која ќе настапи на едни Олимписки игри и ќе биде дел од категоријата +87 килограми во кревање тегови.
„Правилата се донесени пред него што почнаа квалификациите. Тие правила мора да се применуваат и невозможно е да се менуваат во тек на еден олимписки циклус“, изјави претседателот на ИОК, Томас Бах.
Условот кој што беше пропишан, а тоа е 12 месеци пред игрите да нема ниво на тестостерон над 10 наномола, Хабард го исполни.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА