Шпанецот Хорхе Лоренцо ја запиша втората последователна победа во Мото ГП шампионатот, триумфирајќи на трката во Барселона за ГН на Каталонија.
Возачот на Дукати стартуваше од пол-позицијата и го задржа водството до крај. За Лоренцо ова е втора победа сезонава, вкупно 46 во кариерата.
На втората позиција со засотанување од 4,479 секунди, заврши актуелниот првак Марк Маркез од Хонда, а третото место му припадна на Италијанецот Валентино Роси на Јамаха.
Во генералниот пласман на возачи, Маркез е на лидерската позиција со 115 бода, пред Роси со 88 и Маверик Вињалес со 77.
Следната трка од Мото ГП шампионатот ќе се вози на 1 јули на патеката Асен за ГН на Холандија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
