Лос Анџелес Лејкерс поведоа со 1-0 во финалната серија од Западната конференција со Денвер добивајќи го првиот натпревар убедливо со 126-114. Клучна за успехот на тимoт кој до триумфот го предводеше Ентони Дејвис беше втoрата четвртина во која „лејкерс“ се одлепија на двоцифрена предност. Потоа и во третата четвртина имаа одличен период во кој побегнаа на плус 20 поени по што Денвер остана далеку од успех.
Дејвис постигна 37 поени во победата, имаше и 10 скока и четири асистенции. Колдвел Поуп постигна 18 поени, Леброн Џејмс имаше 15 поени и 12 асистенции. Кај Денвер, Џамал Мареј и Никола Јокиќ постигна по 21 поен.
Congrats to @RajonRondo of the @Lakers for moving up to 10th on the all-time #NBAPlayoffs ASSISTS list! pic.twitter.com/W9Gw5fj5SG
— NBA (@NBA) September 19, 2020
Ражон Рондо мечот го завши со девет асистенции и со тоа дојде до вкупна бројка од 1023 и го надмина според бројот на асистенции во плеј-офот Мајкл Џордан пробивајќи се на 10. место. Џеј Ар Смит пак го помина Коби Брајант и се проби на деветтата позиција на листата кошаркари според бројот на постигнати тројки во разигрувањата. Смит има 293 погодени тројки, една повеќе од Брајант.
Congrats to @TheRealJRSmith of the @Lakers for moving up to 9th on the all-time #NBAPlayoffs 3PM list! pic.twitter.com/VDZIHEpjJQ
— NBA (@NBA) September 19, 2020
Вториот натпревар од финалето на Западната конференција ќе биде одигран ноќта недела кон понеделник. На Исток, вечерва продолжува финалната пресметка меѓу Мајами и Бостон во која тимот од Флорида води со 2-0 во победи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
