Јирген Клоп ќе мачи мака со составување на одбранбената линија на Ливерпул откако беше обелоденето дека повредата на Џо Гомез заработена на синоќешниот дуел со Барнли воопшто не е наивна. Имено, деталните прегледи покажаа дека станува збор за фрактура на ногата, поради што стандардниот дефанзивец ќе мора да паузира најмалку шест седмици, пауза што може да биде и значително подолга во зависност од реагирањето на третманот во текот на рехабилитацијата.
Гомез беше еден од најстандардните играчи на Ливерпул сезонава, одлично снаоѓајќи се и како десен бек и како централен дефанзивец.
Ова значи дека англискиот репрезентативец ќе пропушти низа значајни натпревари на „црвените“ во следниот период, меѓу нив и дерби дуелите со Манчестер јунајтед и со Манчесстер сити што го очекуваат Ливерпул во наредните триесет дена.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
