Јувентус не ја оправда фаворитската улога против Џенова ремизирајќи 1-1, со што „старата дама“ сега има два бода помалку, но и меч повеќе во однос на лидерот Интер.
Масимилијано Алегри немаше причина за задоволство по резултатот, но искусниот стратег сепак во изјавата по мечот реши да ги пофали своите избраници.
„Не е лесно да се игра против Џенова, но мислам дека ние имавме добар натпревар. Сепак, мораме да продолжиме да растеме, да се развиваме како екипа, да знаеме како да бидеме поефикасни кога ќе создаваме шанси за гол. Имавме можност да го дотолчиме противникот, не го сторивме тоа и примивме гол. Како и да е, освоивме важен бод, ги вртиме погледите кон дуелот со Фроснине. Јас сум задоволен од она што го видов од мојот тим“, изјави Алегри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
