Лукас Окампос беше апсолутниот херој на Севилја на дуелот против Еибар (1-0), не само поради постигнувањето на победничкиот гол, туку и неверојатната одбрана – како голман во 101. минута од натпреварот.
Финишот на „Санчез Пизхуан“ беше супердраматичен, Еибар во судиското продолжение пропушти стопроцентна шанса, а домашниот голман Вацлик при интервенцијата се повреди и не можеше да го доврши мечот. Ракавиците ги зеде токму стрелецот Окампос, а во мешаницата пред неговиот гол топката стигна до гостинскиот голман Дмитровиќ, кој биеше од пет метри во обид да постигне израмнувачки погодок.
Сепак, Окампос се најде на вистинското место, извонредно интервенираше и ја осигура победата на Севилја, со која овој тим направи значаен чекор напред за место во ЛШ следната сезона.
Ocampos, in goal for the remainder of Sevilla’s match with Eibar, saving a 100th minute shot from Eibar’s actual goalkeeper pic.twitter.com/zzn2frrUYm
— Wayne Farry (@waynefarry) July 6, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
