Кошаркарите на Филаделфија го победија Милвоки со 123-114 по продолжени во еден од синоќешните натпревари во НБА лигата. Милвоки беше без Јанис Антетокумпо, се бореше до самиот крај, но не успеа да направи изненадување.
Неизвесно беше во продолжението на самиот натпревар, а Тајрис Макси одлично се истакна за Филаделфија, која имаше сè во прилог на овој натпревар.
На крајот, Макси постигна 54 поени, со девет асистенции и пет скока, и токму тој им донесе продолжение на гостите, а во дополнителните пет минути, со помош на Џастин Едвардс, му ја донесе победата на својот тим.
Покрај Тајрис Макси, Пол Џорџ имаше 21 поен. Квентин Грајмс додаде 14, Валдез Дрекслер Еџкомб 12 поени. Баксите ги предводеше Ролинс со 32 поени и 14 асистенции, Боби Портис постигна 19, а Кајл Кузма постигна 17 поени.
Сан Антонио ја победи Атланта на свој терен со 135-126. Најголемата заслуга за триумфот му припаѓа на Дирон Фокс со 26 поени, по него следуваа Келдон Џонсон со 25, Џулијан Шампањ со 20 поени.
Никел Александар-Вокер беше одличен за Хоксите со 38 поени, но тоа не беше доволно за победа.
НБА ЛИГА
Орландо – Лос Анџелес 129-101
Мемфис – Сакраменто 137-96
Милвоки – Филаделфија 114-123 (пр.)
Сан Антонио – Атланта 135-126
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
