Само ден откако го потврди своето учество во финалето во АБА лигата, Партизан доби вести кои воопшто нема да му се допаднат бидејќи беше објавен и распоредот на натпревари за полуфиналето од плеј-офот во српската кошаркарска лига кои носат четири натпревари во само пет дена.
Имено, полуфиналата серија помеѓу Партизан и ФМП е закажана за почеток во среда, 4. јуни во Белград, а ден подоцна „црно-белите“ ги очекува и првиот натпревар од финалето во АБА и тоа во Подгорица против Будуќност.
Избраниците на Обрадовиќ ќе добијат и ден одмор пред го одиграат вториот натпревар од АБА финалето на 7. јуни и реванш дуелот од полуфиналето во КЛС на 8. јуни.
Засега останува непознато дели кошаркарската федерација на Србија ќе му излезе во пресрет на Партизан и ќе ги одложи домашните натпревари до крајот на АБА лигата, но со оглед на релацијата која ја имаат клубот и федерацијата во последните години не се исклучува и можноста „црно-белите“ да регистрираат само младински кошаркари за натпреварувањето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
