Тотенхем ја направи трката за титулата во Англија уште поинтересна, со победата над Манчестер Сити и тоа сред „Етихад“. Луд натпревар имаше попладнево во синиот дел на Манчестер, откако Тотенхем од третото водство на крајот стигна до трите бода од овој меч, со еден поништен гол и многу шанси на двете страни.
Дека Сити ќе има проблеми покажа почетокот, кога во 4. минута Кулушевски донесе предност за Тотенхем. Во 33. минута Гиндоган израмни на 1-1.
Кејн во 59. минута донесе ново водство за Тотенхем, а потоа истиот играч погоди за голема радост на лондонскиот тим, меѓутоа голот беше поништен поради офсајд.
Во финишот Сити со сите сили се обиде да дојде до израмнување, имаше шанса и Марез и Гиндоган, но до израмнување дојде во судиското надополнување по досуден пенал по сугестија на ВАР технологијата. Марез беше успешен од белата точка и донесе израмнување за Сити.
Но, тоа не беше крај на лудилото на „Етихад“. Кејн во 96. минута постигна гол по асистенција на Кулушевски, и овој пат немаше офсајд, и голот беше признат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
