Борусија Дортмунд се приближи на шест бода заостанување зад лидерот Баерн Минхен откако „милионерите“ вечерва по голема битка го совладаа Хајденхајм со 3-2.
„Фенерџијата“ им создадоа неочекувано големи проблеми на избраниците на Нико Ковач, кои поведоа преку Антон, но потоа примија два гола, а Хајденхајм при 1-2 промаши и зицер од три метри.
Казната стигна кон средината на второто полувреме, кога Гираси за две минути постигна два гола. Најдобриот напаѓач на Борусија најпрвин од пенал израмни на 2-2, а веќе во следниот напад мајсторски реализираше во мрежата за целосен пресврт и огромна радост на домашните фанови во Дортмунд.
Гираси имаше идеална можност и за хет-трик во второто полувреме, но одличниот голгетер се посрамоти при вториот изведен пенал, шутирајќи над голот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
