Поранешниот селектор на Шпанија Луис Енрике би можел да го преземе Челзи, пишува британските медиуми. Лондонскиот клуб размислува да ангажира искусен тренер доколку актуелниот менаџер Греам Потер продолжи со лошите резултати.
Енрике беше тренер на Барселона од 2014 до 2017 година, а под негово водство Каталонците станаа шампиони на Шпанија, три пати го освоија „Купот на кралот“ и ја освоија Лигата на шампионите во сезоната 2014/15, како и Суперкупот на Европа. Последната работа на Енрике беше во репрезентацијата на Шпанија. На Светското првенство во 2022 година, неговиот тим загуби од Мароко во осминафиналето.
Медиумите на Островот во последните недели пишуваат дека е можно дури и Жозе Мурињо да се врати на „Стемфорд Бриџ“ ова лето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
