Жерар Пике си создаде лоша навика по секој слаб резултат на Барселона вината да ја бара кај арбитрите. Судиите побараа дисциплинска постапка против дефанзивецот, а страстите се обдие да ги смири тренерот на Барса, Луис Енрике, признавајќи дека Пике не е во право со честите коментари.
„Неприфатливо е клуб како Барселона да се жали на судиите. Најесно нешто е да се „плаче“ и да се бараат изговори. Ако се случуваат работи за кои сметате дека не се фер, постои начин на кој се реагира. Критиките кон судиите не се вистинскиот начин. Секој има право на свое мислење, но јас како тренер и луѓето од управата сме со ист став – да најдеме начин да реагираме и да излеземе од кризата. Се надевам дека Пике нема да биде казнет за своите изјави“ – изјави Луис Енрике.
Барселона утре го игра реванш натпреварот од Копа дел реј, бркајќи негатива од 2-1 по поразот на првиот дуел со Атлетик Билбао.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
