Ромелу Лукаку засекогаш ќе го памети вечерашното дерби меѓу Наполи и Милан, на кое токму белгискиот ас го постигна вториот гол за својот тим за водство од 2-0, резултат со кој се замина на одмор.
Она што е уште позначајно, ова е вкупно 400. гол во клупската и репрезентативната кариера на Лукаку, со што Белгиецот стана еден од вкупно 14-те активни фудбалери кои се дел од „клубот 400“.
Голот против Милан беше единаесетти за него во дресот за Наполи, а од станатите клубови има 87 за Евертон 78 во дресот на Интер, 42 како член на Манчестер Јунајтед, 41 со Андерлехт, 21 во тимот на Рома, 17 за Вест Бромвич и 15 за Челси.
Ромелу Лукаку е најдобар стрелец во историјата на белгиската репрезентација со вкупно 88 погодоци во дресот на „црвените ѓаволи“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
