Кошаркарите на дебитантот во елитата Маџари стигнаа до нова голема победа откако денеска на домашен терен славеа против Работнички со 87-80 во меч од 7. коло од новата сезона во Првата лига.
Натпреварот почна израмнето па по десет минути игра гостите имаа минимална предност од 22-23. Тимот од градски парк одигра одлично во вториот период, па на пауза замина со девет поени позитива 38-47.
Во вториот дел новиот македонски прволигаш одигра на високо ниво, па на три минути до крајот успеа да го внесе натпреварот во егал завршница 73-73. Во клучните моменти од мечот се истакна Алек Петковски кој со погодена тројка и неколку клучни одбрани успеа да биде најзаслужен за победата на дебитантот во лигата Маџари од 87-80.
Џавон Грин со 25 поени беше прво име во таборот на победникот, додека кај поразените Џејкоб Хатсон постигна 19 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
