Македонската одбојкарска репрезентација, се чини, сосема очекувано загуби со 3-0 од една од најдобрите светски репрезентации Полска во третиот натпревар на Европското првенство 2023.
За Македонија ова беше планиран пораз, во кој сите репрезентативци се обидоа да дадат максимум отпор иако јасно е дека се играше колку што дозволуваше противникот.
„Точно е дека се обидовме, како што најавивме, да уживаме во овој натпревар затоа што знаевме дека играме против една од најдобрите светски селекции. Посакувавме да парираме повеќе, покажавме во вториот сет дека сме тука дека можеме и до некој сет, но сепак се работи за врвна селекција и да бидеме реални немавме шанси за победа. Имаат феноменален сервис и тука ја прават разликата на секој меч“ – вели Маџунков и дополнува:
„Сега не чекаат последните два меча со Холандија и со Чешка. Веруваме дека против нив можеме далеку поуспешно да играме, затоа што не се на ист ранг со Полска. Ако дадеме се од себе, да одиграме на она наше ниво на кое знаеме, можеме да дојдеме и до победи. Мислам дека можеме и повеќе од четвртото место во групата“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
