Осминафиналната ждрепка за Купот на Шпанија донесе мадридско дерби помеѓу Атлетико Мадрид и Реал Мадрид по кое главниот град на Шпанија ќе остане со претставник помалку.
Интересно, историјата е во полза на „кралевите“ кои во девет од последние 12 пресметки со „јорганџиите“ во Куп натпреварувањето успеваа да поминат во следната фаза. Така беше и претходната сезона во која Реал Мадрид го одбрани домашниот терен со победа од 3-1 во четвртфиналето.
Ждрепката пак беше во полза на Барселона која за противник ќе го има Унионистас, додека македонскиот интернационаец Столе Димитриевски и неговиот Рајо Валекано силите ќе си ги одмерат со сензацијата на сезоната во Шпанија, Жирона.
Во остнатите парови ќе се сретнат: Тенерифе и Мајорка, Гетафе и Севиља, Осасуна и Реал Сосиедад, Валенсија и Селта, и Атлетик Билбао и Алавес.
🔴 𝗢𝗙𝗜𝗖𝗜𝗔𝗟 I ¡EMPAREJAMIENTOS DE OCTAVOS!
🗓️ Los encuentros se disputarán los días 16, 17 y 18 de enero de 2024.
🍀 ¡Mucha suerte a todos!#CopaDelRey I #LaCopaMola pic.twitter.com/mZiwg2lxdE
— RFEF (@rfef) January 8, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
