Италија е вториот патник во полуфиналето на Европското првенство откако избраниците на Роберто Манчини славеа во четвртфиналниот натпревар против Белгија со 2-1. Италијаните уште во првото полувреме стигнаа до предност од два гола од кои Белгијците не успеаја да се вратат во мечот.
По една интересна ситуација Италија поведе со 1-0 преку Барела во 31. минута од мечот, а Италијанците веќе до полувремето успеаја да ја зголемат предноста на 2-0. Стрелец на вториот погодок беше Инсиње кој во 44. минута со прекрасен гол донесе „двојно“ водство за својата репрезентација.
За работите да не бидат така едноставни се погрижи Лукаку кој реализираше од белата точка во продолжението од првото полувреме со што ги задржа надежите за Белгијците. Избраниците на Мартинез имаа неколку шанси да стигнат до изедначување во второто полувреме, но спортската среќа беше на страната на Италијанците кои успеаја да ја зачуваат својата мрежа.
😱😱😱
Lukaku’s effort is blocked by Spinazzola!#EURO2020 pic.twitter.com/Wq7sVNcn4m
— UEFA EURO 2020 (@EURO2020) July 2, 2021
Во полуфиналето од Европското првенство Италија ќе се сретне со репрезентацијата на Шпанија која денеска по изведување на пенали славеше над Швајцарија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
