Австриецот Матијас Мајер ја прекина норвешката доминација на норвешките скијачи на Олимписките игри во Супер-Џи која трае од 2002 година од Солт лејк сити, тримфирајќи на трката во Пјонгчанг.
Мајер победи со време од 1:24.44 минути, пред Швајцарецот Беат Фојц кој заостана 0,13 секунди. За швајцарскиот скијач ова е втор медал на ЗОИ 2018 откако вчера освои исто така сребро во спустот.
Бранителот на титулата Норвежанецот Кјетил Јансруд ја освои бронзата со заостанување од 0,18 секунди зад победникот. Тоа е негов петта олимписки медал, а втор во Пјонгчан откако вчера освои бронза во спустот.
Норвежанецот Аксел Лунд Свиндал, по вчерашната победа во спуст, сега го освои петтото место.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
