Според неколку европски медиуми, статусот на Мајк Џејмс во Монако би можел да биде доведен во прашање бидејќи Американецот има некои работи за кои е загрижен.
Средба меѓу раководството на Монако и Мајк Џејмс треба да се одржи оваа недела. Американецот има неколку забелешки што би сакал да му ги презентира на претседателот Федоричев.
Џејмс беше суспендиран на крајот од минатата сезона, па затоа не беше дел од тимот што играше во финалето на француската лига. После тоа, сè му беше простено на Џејмс и соработката требаше да продолжи како и обично, но сега е можно работите да се променат.
Мајк е одличен кошаркар кој секогаш е кандидат за најкорисен играч во секое натпреварување, но од друга страна, тој е можеби и најтешкиот играч во Европа за соработка.
Сепак, прашање е дали промена на клубот е реална бидејќи сезоната за повеќето тимови веќе почна.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
