Првиот човек на Реал Мадрид, Флорентино Перез веќе стартуваше акција за ангажман на Трент Александер Арнолд од редовите на Ливерпул.
Како што пренесуваат англиските медиуми, Реал веќе испратил понуда од 25 милиони евра до Ливерпул за ангажман на Александар Арнолд уште во јануари, со оглед на тоа што договорот му истекува во јуни 2025.
Трансферот го најави и легендарниот Мајкл Овен.
„Фактот кој вели дека Реал Мадрид има јасни интенции за ангажман на Трент Александер Арнолд, ме тера да мислам дека само прашање на време е кога ќе потпише за нив. Ако тој имаше план да потпише нов договор со Ливерпул, Реал немаше официјално да тргне по него. Очекувани се тајни разговори меѓу двата клуба, ова е голема вест“ – порача преку социјалните мрежи Овен кој своевремено направи директен трансфер од Ливерпул во Реал Мадрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
