Кошаркарите на Макаби Тел Авив стигнаа до изненадувачка победа во „Пионир“ во Белград откако во трилер меч славеа против најтрофејниот европски тим Реал Мадрид со 92-91.
„Кралевите“ одиграа добро во првиот период па по десет минути игра имаа позитива од 17-27. Номиналните домаќини одиграа неверојатен втор период во кој постигнаа дури четириесет поени, па на полувреме имаа предност од 57-48.
Во вториот дел натпреварот влезе во неизвесна завршница во која на крајот подобри беа кошаркарите на израелскиот великан за конечен триумф од 92-91. Лони Вокер со 27 поени беше прво име кај победникот, додека кај поразените Марио Хезоња постигна 24 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
