Македонија вечерва во 20:45 часот, ја дочекува Ерменија во рамките од 2. коло во Лигата на Нации. Ова ќе биде 14-ти натпревар на овие две селекции, а досегашната традиција е малку на страната на Македонија. Меѓутоа ако се суди според моменталната форма, тогаш Ерменија доаѓа во Скопје со подобри резултати во последните неколку месеци.
Еве неколку интересни факти и бројки во меѓусебните дуели.
- Во досегашните 13 меѓусебни натпревари, Македонија има шест победи, Ерменија четири пати славела, додека три меча завршиле нерешено. Гол разликата е 23-18 во корист на Македонија
- Само на еден од 13-те натпревари досега немало голови. Тоа беше на 2 септември 2021 година на мечот во Скопје во квалификациите за СП 2022 година во Катар
- Ниту еден од стрелците на последниот натпревар против Ерменија (3-1) не е во составот на Македонија. Тогаш погодија Александар Трајковски, Милан Ристовски и Ердон Даци. Трајковски и Ристовски се повредени, додека Даци не доби повик
- Ерменија во овие Лига на Нации се одлучи да го подмлади составот. Затоа во нивниот тим има дури 5 играчи под 21 година. Во составот на Македонија нема ниту еден под 21 година. Најмлад е Марио Илиевски, новоповиканиот со 22 години
- Ерменија доаѓа во Скопје со две победи по ред (против Казахстан 2-1 и против Летонија 4-1), додека Македонија нема победа на седум меча, или од ноември минатата година. Последната победа на Македонија е токму против Ерменија со 3-1 во пријателски меч одигран во Струмица
- Ерменија на последните три гостувања во Лигата на Нации има три порази, додека Македонија на последните три домашни меча има само една победа и два порази
- Ерменците во минатото издание во Лигата на Нации беа во групата Б, но завршија како последни во група со Шкотска, Украина и Р.Ирска, и повторно испаднаа во Ц сегментот
- Македонија во моментов е 72 на ФИФА ранг листата, додека Ерменија е на 97 позиција
ДОСЕГАШНИТЕ НАТПРЕВАРИ НА МАКЕДОНИЈА СО ЕРМЕНИЈА
17.10.2023 (пријателска) Македонија – Ерменија 3-1
11.11.2021 (квалификации за СП) Ерменија – Македонија 0-5
02.09.2021 (квалификации за СП) Македонија – Ерменија 0-0
18.11.2020 (Лига на Нации) Ерменија – Македонија 1-0
05.09.2020 (Лига на Нации) Македонија – Ерменија 2-1
16.10.2018 (Лига на Нации) Ерменија – Македонија 4-0
09.09.2018 (Лига на Нции) Македонија – Ерменија 2-0
07.10.2011 (квалификации за ЕП) Ерменија – Македонија 4-1
07.09.2010 (квалификации за ЕП) Македонија – Ерменија 2-2
04.06.2005 (квалификации за СП) Ерменија – Македонија 1-2
18.08.2004 (квалификации за СП) Македонија – Ерменија 3-0
06.09.1995 (квалификации за ЕП) Македонија – Ерменија 1-2
10.05.1996 (квалификации за ЕП) Ерменија – Македонија 2-2
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
