Македонскиот национален тим ги дозна сите шест селекции кои може да се паднат во баражот на патот кон Мундијалот во Катар.
Португалија и Италија се најзвучни имиња меѓу носителите во баражот, и со нив навистина ќе биде тешко да се игра, а меѓу носителите, а воедно и потенцијални ривали на Македонија се и селекциите на Шкотска, Русија, Шведска и Велс.
Задачата може да биде многу тешка, но може да биде и олеснета со некоја селекција како што се Шкотска или Велс…
Во групата неносители покрај Македонија, се најдоа и Турција, Полска, Украина и двете селекции од Лигата на Нации Чешка и Австрија.
Баражите се играат во март идната година, а ждрепката е на 26 ноември. Се играат два натпревари – полуфинале и финале. Победниците одат на Мундијалот во Катар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
