Само неколку месеци откако го напушти тимот на Македонија ЃП, Ѓорѓи Стоилов се враќа во таборот на „лавовите“. Ова го потврди тимот од Ѓорче Петров, кој објави дека Стоилов е ново-стар член на екипата.
Стоилов беше дел од ѓорчепетровци целата мината сезона, но потоа му беше дозволено да си бара нова средина. Беше поврзуван и со екипата на Вардар, но на крајот се одлучи да се врати во Ѓорче Петров и да го засили средниот ред на оваа екипа.
Фудбалерот во минатото беше дел од Шкупи, Зира од Азербејџан, а играше и за Академија Пандев и за Хоризонт Турново. Има преку 200 настапи во Првата лига, а со Шкупи успеа да ја освои титулата шампион. Има и два трофеи во Купот, со Академија Пандев и со Македонија ЃП.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
