И официјално, Македонија ЃП ќе биде новиот клуб на искусниот Крсте Велкоски. Напаѓачот откако го напушти тимот на Работнички, се сели на западниот крај од Скопје, и ќе ги брани боите на тимот од Ѓорче Петров.
Велкоски после долги години настапување во странство, во екипите на Сараево, Инчон, Енозис и Чеалул, се врати во Работнички минатата година, а Македонија ЃП ќе биде негов трет клуб во Македонија. Освен Работнички, две години го носеше дресот и на Металург.
Велкоски е четвртото ново име во Ѓорче. Претходно екипата се засили со Џонатан Балотели, Давид Лопез и Џонатас да Силва.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
