После двата порази по ред, Македонија ЃП се врати на победничките патеки, откако денеска убедливо го совлада тимот на Новаци со 4-0 на домашен терен, и ја продолжи трката за првото место кое носи пласман во прволигашката конкуренција. Велкоски и Кире Маркоски во првиот дел, а потоа Симеон Христов и повторно Кире Маркоски за убедлив триумф.
Битката за највисок пласман и за влез во Првата лига ја продолжува и тимот на Башкими. Кумановци триумфираа на гостувањето во Струмица кај Беласица со 1-2. Гостите дојдоа до триумф со пресврт откако губеа 1-0, но успеаја да постигнат два гола и да дојдат до триумф. Стрелци на головите за Башкими беа Саити во 55. минута и Алексовски во 82. минута.
Со головите на Калпачки и на Шопоски, и тирумф со 2-0 над Вардарски, и тимот на Брегалница ја продолжува битката за пласман меѓу првите две места кои носат во Првата лига.
Арсими минимално со 1-0 ја совлада Победа, исто како и Охрид против Вардар Неготино. Осогово како гостин триумфираше во Радовиш кај Детонит, а со истиот резултат и Скопје оствари триумф во Гевгелија кај Кожуф.
ВТОРА ЛИГА, 19. КОЛО
АРСИМИ – ПОБЕДА 1-0
БЕЛАСИЦА – БАШКИМИ 1-2
БОРЕЦ – КАМЕНИЦА САСА 2-1
БРЕГАЛНИЦА – ВАРДАРСКИ 2-0
ДЕТОНИТ – ОСОГОВО 0-1
КОЖУФ – СКОПЈЕ 0-1
МАКЕДОНИЈА ЃП – НОВАЦИ 4-0
ОХРИД – ВАРДАР Н. 1-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
