Во битката за опстанок оваа пролет, Македонија ЃП ќе се впушти со две нови имиња во своите редови.
„Лавовите“ пред продолжението на шампионатот се засилија со интернационалецот од Турција, Огузјан Ајдоган и искусниот дефанзивец Стефан Лазаревиќ.
Десниот бек Лазаревиќ, чии последни два клуба каде настапуваше се Работнички и Скопје, сега повторно се враќа во својот матичен кллуб. Во својата кариера 28-годишниот дефанзивец има настапи и за Гостивар, Тетекс, Борец, Силекс.
Ајдоган, пак, не е непознат во македонското прволигашко друштво. Претходно играше за Гостивар и Башкими, а има настапи во својата кариера и за Карлсруе и Алеманија Ахен во Германија како и за Анкараспор во Турција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
