Фудбалската федерација на Македонија го зголеми бројот на лиценцирани ВАР меѓународни судии кои ќе можат да судат на сите натпревари во Европските лиги, на големи меѓународни турнири, квалификации за светско и европско првенство. На последниот семинар што во текот на изминатите неколку дена се одржа во познатиот фудбалски центар во Стара Пазова во Србија успешно го положија и се здобија со ВАР лиценца Игор Стојчевски и Јован Качевски како главни и Иван Путилин, Куштрим Лика, Дејан Василевски и Слаѓан Марковски, како асистенти на судии.
Претходно лиценца на ВАР судија ја има нашиот најдобар судија Александар Ставрев како и асистентите судии Гоце Петрески и Дејан Костадиновски.
Од нашите претставници во комисиите на УЕФА за второто квалификационо коло во Конференциската лига е ангажиран комесарот за безбедност и интегритет Роберт Марковиќ кој на 27 јули ќе се грижи за безбедноста на мечот меѓу хрватскиот претставник Осиек и унгарскиот клуб Залегерсеги.
М.М.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
