Пингпонгарската федерација на Македонија информира, согласно интернационалниот календар за натпревари, дека 2025 година ќе биде исполнета со максимални меѓународни обврски за пинг понг федерацијата, а за нашите пинг понгари и спортски работници нови искуства и можности.
Нашите пингпонгари ќе учествуваат на три големи настани оваа година во нашата земја, од кои два за првпат ќе се одржат во Македонија.
„World Table Tennis (WTT) Contender“ ќе се одржи во Скопје од 9 до 15 Јјуни. Ги очекуваме најдобрите светски пинг понгари во сениорска категорија. Ова е прв настан од овој тип. Олимписки летни младински игри во пинг понг од 20 до 26 јули. Уште еден настан како „првенче“ во Македонија. Ние сме домаќини и го организираме пинг понг делот на овие европски олимписки игри, а во септември се враќа младинскиот натпревар на ѕвездите – WTT Youth Star Contender со најдобро рангираните младински натпреварувачи од Европа и светот, од 5 до 7 септември во ‘Јане Сандански’ во Скопје“ – информираат од Пингпонгарската федерација.
Организацијата на овие натпревари е големо признание за федерацијата и македонскиот пинг понг, а постојаното организирање на нови настани значи и напредок во капацитетите за организација на светски настани со врвни натпреварувачи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
