Македонската кошаркарска репрезентација ќе се најде меѓу аутсајдерите во последниот шешир од извлекувањето на групите за квалификациите за СП 2023 што ќе се одржи во Јапонија, Филипини и Индонезија.
Нашите кошаркари славеа на претквалификацискиот турнир во Скопје пред Словачка и Швајцарија, што им обезбеди место во главните квалификации. Ждрепката е закажана за 31 август во 12 часот и ќе се одржи во швајцарскиот град Миес.
Објавени беа и пропозициите на квалификациите, на ждрепката ќе бидат извлечени осум групи од по четири селекции, а Македонија нема да може да се сретне со Португалија, Шведска и Словачка. Од четирите, пласман во следната рунда од квалификациите ќе обезбедат трите најдобри селекции од секоја група, кои ќе ги пренесат и освоените бодови.
ШЕШИР 1: Шпанија, Франција, Словенија, Србија.
ШЕШИР 2: Литванија, Грција, Италија, Германија.
ШЕШИР 3: Чешка, Полска, Русија, Турција.
ШЕШИР 4: Хрватска, Украина, Летонија, Црна Гора.
ШЕШИР 5: Финска, Грузија, Белгија, Унгарија.
ШЕШИР 6: Израел, БиХ, Велика Британија, Холандија.
ШЕШИР 7: Исланд, Естонија, Бугарија, Белорусија.
ШЕШИР 8: МАКЕДОНИЈА, Словачка, Португалија, Шведска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
