По почетокот на вооружениот судир меѓу Израел и Палестина од почетокот на октомври, израелските фудбалски селекции се вратија на своите обврски во европските квалификации.
Па, синоќа во квалификациите за ЕП 2025 на репрезентациите до 21 година, во Лоџ се сретнаа Полска и Израел во меч кој заврши со победа на Полјаците од 2-1.
Но, мечот го одбележа една навистина специфична ситуација која го затекна и македонскиот судија Јован Качевски кој го судеше натпреварот, заедно со помошниците Даниел Василевски и Бранко Путилин. Четврти судија беше Александар Грјуоски.
Пред натпреварот двете федерации, и од Полска и од Израел бараа од УЕФА да се одржи минута молк како би се оддала почест на настраданите Израелците во нападот од Хамас на 7. октомври. Но, УЕФА тој предлог го одби. Сепак, актерите на мечот пронајдоа начин да реагираат.
Откако Качевски на почетокот даде знак мечот да почне играчите на двете екипи самоиницијативно одлучија да не ја играат првата минута. И Качевски се најде во „небрано“, па неизбежно чекаше фудбалерите да го завршат започнатото па да продолжи играта…
UEFA refused to hold a minute of silence before the match between #Israel and #Poland (Under-21 team).
In response, both teams decided not to play the first minute of the match, observing a minute of silence to honor the victims of #October7th. 🙏🏼pic.twitter.com/U69kd6Qagt
— AJC Central Europe (@AJC_CE) November 17, 2023
Качевски одлично до крај го отсуди натпреварот, без ниту една грешка од македонската судска тројка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
