Фудбалската федерација на Македонија денеска ја објави постапката за купување билети за баражот за пласман на СП 2022 меѓу Португалија и Македонија кој се игра на 29. март со почеток од 20:45 часот на стадионот „Драгао“ во Порто.
„Фудбалската федерација на Македонија преку Mk Tickets, официјалниот партнер за продажба на билети започнува со продажба на билети за плејоф натпреварот Португалија – Македонија за пласман на Светското првенство во Катар 2022“ – објави ФФМ.
Билетите за натпреварот кој ќе се одигра на 29. март во Порто, Португалија чинат по 820 денари, а може да се купат на следниот линк:
https://mktickets.mk/event/por-mkd/
Согласно регулативите на УЕФА, за македонските навивачи треба да бидат резервирани 5% од капацитетот на „Драгао“, кој изнесува 50.000 седишта, или околу 2.500 билети за македонските навивачи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
