Машката кадетска ракометна репрезентација на Македонија од денеска до 17 декември ќе настапи на турнир во Васлуи, Романија. Покрај македонската репрезентација, на турнирот ќе настапат и селекциите на Израел, Украина и на домаќинот Романија.
Младите македонски ракометари вчера пристигнаа во Романија, а синоќа одржаа и еден тренинг во салата во Васлуи. Денеска со почеток во 18.30 часот го играат првиот натпревар против Израел. Утре ги очекува дуелот со Романија, а в недела е последниот натпревар против репрезентацијата на Украина.
Овој турнир е во склоп на подготовките на македонската кадетска репрезентација за настпот на ЕХФ Шампионатот во јули 2018 во Грузија. Воедно овие настапи ќе домесат искуство и воигрување на кадетскиот состав за Светското првенство за оваа генерација во 2019 година на кое Македонија ќе биде домаќин.
Пренос од сите натпревари од турнирот е најавен во живо на следниот линк:https://www.youtube.com/channel/UCr742PTqueo_UDMNk_7VWzg
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
