Македонската кикбокс репрезентација постигна извонреден успех освојувајќи вкупно 17 медали, од кои 5 златни, 2 сребрени и 10 бронзени, на Европски куп 2025 кој изминативе денови се одржа во Пловдив, Бугарија.
Злани медали за Македонија освоија Нелсон Узеир, Лука Змејкоски, Марија Димовска, Драган Пандев и Иван Гудев, со сребрени одликувања се закитија Лука Кипровски и Димитар Стефановски, а бронзите заминаа на градите на Андријано Димишковски, Калин Бабоски, Нина Колева, Силвио Мировски, Кристина Спиркоска, Маригона Зенуни, Сара Стојаноска, Леа Бошевска (во две дисциплини) и Крсте Трајкоски.
„На Европскиот куп во Пловдив каде учествуваа 29 земји со 1376 врвни натпреварувчи во 2165 влеза нашите кикбоксери за Македонија донесоа: 5 злата, 2 сребра и 10 бронзи, што е навистина убав успех. Ова е прв меѓународен европски настан за македонските кикбоксери, и фокусот, беше и за што поголемо искуство од вакви интернационални натпреварувања кај нашите натпреварувачи. Можам да кажам дека можеме многу повеќе од ова. Ова натпреварување е и еден вид апел до Министерството за спорт да застане повеќе позади нас и да не поддржи да бидеме повторно најуспешен спорт во нашата земја“ – истакна селекторот Дејан Митровски-Урко по завршувањето на Европскиот куп во Пловдив.

РЕЗУЛТАТИ
Лоу кик
Млади јуниори
+81 кг Лука Змејкоски – златен медал
Постари јуниори
-60 кг Марија Димовска – златен
-60 кг Андријано Димишковски – бронзен
-63,5 кг Калин Бабоски – бронзен
-71 кг Данило Методиевски – 5.место
+70 кг Нина Колева – бронзен
Сениори
-71 кг Силвио Мировски – бронзен
-81 кг Лука Кипровски
-86 кг Нелсон Узеир – златен
-56 кг Кристина Спиркоска
-60 кг Кристина Спиркоска – бронзен
Кик лајт
Постари кадети
-52 кг Петар Лозановски – 9.место
-57 кг Драган Пандев – златен медал
-69 кг Димитар Стефановски – сребрен
+69 кг Сергеј Ушлиновски – 5.место
-42 Маригона Зенуни – бронзен медал
-55 кг Танкица Коцева – 5.место
60 кг Сара Стојаноска – бронзен медал
+65 кг Драгица Глигорова
Јуниори
-69 кг Дарко Нумановиќ – 17.место
-69 кг Петар Лазев – 9.место
-94 кг Иван Гудев – златен медал
-70 кг Анабела Стоцоваз – 5.место
Сениори
-50 кг Леа Бошевска – бронзен медал
Лајт контакт
Сениори
-50 кг Леа Бошевска – бронзен
К-1
Сениори
75 кг Максим Митровски – 5.место
75 кг Крсте Трајковски – бронзен
-81 кг Лука Кипровски – сребрен
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА