Македонските екипи менуваат тренери во просек на секои 7 месеци. Ова го покажува најновото истражување на УЕФА, според кое Македонија се најде на листата на земјите кои менуваат тренери на помалку од една година. Во предвид е земена минатата сезона 2023/24.
Македонија на оваа листа е меѓу ТОП5. Пред Македонија се само Србија, БИХ и Албанија кои менувале тренери во просек на секои шест месеци во изминатата 2023/24 сезона, додека на исто рамниште со Македонија се Хрватска, Турција и Кипар.
Најмногу тренерите издржуваат во Северна Ирска, каде што има тренерски смени во просек на 3,5 години.
Во соседството, Грција менува тренери на секои девет месеци, Црна Гора на секои осум, додека Бугарија на секои девет месеци. Романија исто така е меѓу првите 10, односно менува тренери на секои осум месеци.
Во истражувањето на УЕФА во кои се опфатени сите параметри, стои дека дури 68% од екипите во Македонија, лани имале домашни тренери.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
